SHOHRAT

Kya banne chla tha, aur kya bane ja raha hu?

shohrat ki is dhool me insaaniyat khote ja raha hu

Jis maa ne khyal rakha, uska hi khyal raha nahi

daulat ki is bhookh me apne hi khote ja raha hu

Banglo me sath rehne ko koi bacha nahi, bas bangle ginte ja raha hu

mitti ke in khandaro ko apna kehta ja raha hu

Paise ya insaaniyat hai kya uncha pta nahi,

kagaz ke in tukdo ko hi apna kehta ja raha hu

Ye ab yaad raha nahi, sath mere kya jayega
 ye hi bhool gya mai mera kaal kya layega?

Kya banne chla tha aur kya banne ja raha hu

shohrat ki is aag me khud ko hi khote ja raha hu.....